Գարնան Առավոտ “Հովհաննես Թումանյան”
Բարի լուսի զանգեր զարկին
Զընգզընգալեն անո՜ւշ, անո՜ւշ.
Լուսը բացվեց մեր աշխարհքին
Ճըղճըղալեն անո՜ւշ, անո՜ւշ։
Հովտում առուն խոխոջում է
Գըլգըլալեն անո՜ւշ, անո՜ւշ.
Քամին բարակ շընկշընկում է
Զըլզըլալեն անո՜ւշ, անո՜ւշ։
Կռունկն եկավ երամ կապած
Կըռկըռալեն անո՜ւշ, անո՜ւշ,
Կաքավ քարին տաղ է կարդում,
Կըղկըղալեն անո՜ւշ, անո՜ւշ։
Հարսն ու աղջիկ հանդերն ելան
Շորորալեն անո՜ւշ, անո՜ւշ.
Ծաղկանց բուրմունքն անմահական
Սըլսըլալեն անո՜ւշ, անո՜ւշ։
1909
Իմ կազմած առաջադրանքները
Գրի՛ր բառերի հականիշները։ Կարող ես օգտվել բառարաններից։
Անուշ-
Լույս-
Աշխարհք-
Առու-
Կռունկ-
Բանաստեղծությունից դու՛րս գրիր այն հատվածները, որտեղ կա բացականչական նշանը։
“Paint” ծրագրով նկարի՛ր բանաստեղծության դուր եկած մասը։
Հովհաննես Թումանյանի մասին գրի՛ր հետաքրքիր փաստեր։
Նկարագրի՛ր բանաստեղծությունը քո բառերով։
Հովաննես Թումանյանի բանստեղծություններից կամ հեքիաթներից մեկը կարդա և ձայնագրի՛ր, իսկ հետո տեղադրի՛ր քո բլոգում։