Ծաղիկը շատ բույսերի ամենավառ և տեսանելի մասն է: Ծաղիկները կարող են լինել մանր կամ խոշոր, վառ գունավորված կամ կանաչ, հոտավետ կամ անհոտ, մենահատ կամ հավաքված ծաղկաբույլերում:
Ծաղիկների հիմնական գործառույթը օրգանիզմի բազմացման համար պտուղներ և սերմեր առաջացնելն է:
Ծաղիկը ցողունին միանում է ծաղկակոթի միջոցով: Ծաղկակոթի վերին լայնացած մասի վրա տեղակայված են բաժակաթերթիկները, պսակաթերթիկները, վարսանդը, առէջները:
Վարսանդը բույսի իգական սեռական օրգանն է, առէջը՝ արական սեռական օրգանը: Այն ծաղիկները, որոնք ունեն և՛ վարսանդ, և՛ առէջներ, կոչվում են երկսեռ ծաղիկներ:
Պտուղների ամենակարևոր գործառույթը սերմերի պահպանումն ու տարածումն է: Պտուղները լինում են հյութալի և չոր:
Լրացուցիչ՝ Ծաղկավոր բույսերի օրգանները
Գրականության հղումը(Էջ՝ 107, 108)

Հարցեր՝
1. Ինչի՞ց է առաջանում սերմը:
Սերմը առաջանում է ծաղկի մեջ՝ բույսի բազմացման համար։
2. Ի՞նչ մասերից է կազմված սերմը:
Սերմը գտնվում է կորիզի մեջ, կազմված է սերմնամաշկից, սաղմից(ապագա բույս) և պաշարային սննդանյութերից։
3. Ինչի՞ց է առաջանում պտուղը:
Պտուղն առաջանում է փոշոտված ծաղկից, որի նպատակը սերմը պաշտպանելն է մինչև հասունանալը։
4. Ինչու՞ են վարսանդը և առէջները համարվում բույսի գլխավոր մասեր:
Վարսանդը համարվում է ծաղկի իգական սեռական օրգանը, իսկ առէջները՝ արական, վարսանդի մեջ է սկսում գոյանալ ապագա պտուղը, որն էլ իր հերթին իր մեջ սերմն է սկսում ստեղծել