Վահան Տերյան

Վահան Տերյան - Վիքիպեդիա՝ ազատ հանրագիտարան Վահան Տերյանը հայ բանաստեղծ և հասարակական գործիչ: Նրա իրական անունը՝ Վահան Սուքիասի Տեր-Գրիգորյան է: Վահան Տերյանը ծնվել է 1885թ, հունվարի 28-ին, Ախալքալաքի Գանձա գյուղում՝ հոգևորականի ընտանիքում։ 1897թ նա տեղափոխվեց Թիֆլիս, որտեղ սովորում էին և ապրում էին իր ավագ եղբայրները։ 1899թ Վահան Տերյանը ընդունվում է Լազարյան ճեմարան, ուր ծանոթանում է Ալեքսանդր Մյասնիկյանի, Պողոս Մակինցյանի, Ցոլակ Խանզադյանի և այլ՝ ապագայում հայտնի դարձած, մարդկանց հետ։ 1906թ նա ավարտեց Լազարյան ճեմարանը, այնուհետև ընդունվում Մոսկվայի համալսարան, որից կարճ ժամանակ հետո ձեռբակալվում է հեղափոխական գործունեության համար և նետվում Մոսկվայի Բուտիրկա բանտը։ 1908թ Թիֆլիսում լույս է տեսնում Տերյանի ստեղծագործությունների «Մթնշաղի անուրջներ» ժողովածուն, որը շատ ջերմ է ընդունվում թե՛ ընթերցողների, եւ թե՛ քննադատների կողմից։ 1915թ «Մշակ» թերթում հրատարկվում է բանաստեղծի հայրենասիրական բանաստեղծությունների «Երկիր Նաիրի» շարքը։ 1917թ հոկտեմբերին Տերյանը ակտիվորեն մասնակցում է բոլշեւիկյան հեղափոխությանը եւ այն հաջորդած քաղաքացիական պատերազմին։ Լենինի ստորագրությամբ մանդատով մասնակցում է Բրեստի խաղաղ պայմանագրի ստորագրմանը։ 1919 Տերյանը՝ լինելով Համառուսական Կենտրոնական Գործկոմի անդամ, առաջադրանք է ստանում մեկնել Թուրքեստան, սակայն ծանր հիվանդության պատճառով ստիպված է լինում մնալ Օրենբուրգում, որտեղ ցավոք սրտի ապրում է մինչև 1920թ, հունվարի 7-ին։